Springerinne

 Kvifor løner det seg å ha god løpeteknikk? Er det ikkje berre å springe då?

Å løpe har vore det store sidan eg var bittelita. Bror som er 13 år eldre var på den tida ein av dei beste juniorløparane i landet og blei raskt mitt store forbilde ( Ja det er sant bror). Det første eg la merke til når eg fekk nokre år på meg var teknikken hans. Han kunne berre flyte avgårde der alle kroppsdelar gjekk rett fram. Ikkje til sides eller" padling" med verken armar eller bein. Han valde den raskaste vegen for å sei det slik:)

Å springe handlar om å løpe økonomisk og riktig for å unngå belastningsskadar. Spring du mil etter mil på hælen vil du til slutt få unødig vondt og du vil merke at det IKKJE er mykje effektivt. Så kvifor ikkje lære seg å springe riktig med eingong?

Føtene til ein løpar er "hellige". Køddar du med dei er "over og ett ute".   Difor skal eg gje dåkke nokre gode tips til korleis du skal bruke kreftene dine så rett som muleg for å unngå skadar og for å få ein god opplevelse på løpeøktene.

"PANG I BAKKEN"

Når foten treff bakken skal du rulle framover. Viss ikkje bremsar du steget. Hvis du tenkjer at du rullar på foten og trekker foten bakover mistar du ikkje all farten. Altså: Ikkje land på hælen eller på tærne. Tenk rulling og ikkje bremsing.

 
Som dåkke ser etterligna eg her mest muleg løpestilen. Dette gjorde eg ofte framfor ein spegel på treningsstudio. Då kunne plukke vekk uvanane lettare. Foto: Firda på begynnelsen av 2000 tallet.

Litt vinglete armbruk på dei siste metrane av NM gullet på 800meter i 2002 men det må være nesten "godkjent" når ein er stinn i melkesyre:) 

HOLDNING:  Du skal ikkje slepe tunga etter asfalten.

Har du sett han som spring langs vegen med "pukkelrygg". Det er ikkje noko du skal herme etter. Holdninga di skal være "stolt" og du kan godt skyte brystkassa litt fram. Gjer du dette opnar du opp for oksygentilførselen og du forebygger belastningsskadar. Det er heller ikkje godt å løpe som ein " gammal krok".

 ARMPENDELEN:

Som sagt skal alt gå i fartsretningen - også dei to "delane" du har på kvar side. Ikkje kast armane i alle retningar. Like viktig er det å springe avslappa med skuldrane, for heile løpestilen og farten blir påvirka viss du spring anspent. Senk skuldrane og la beina rulle avgårde. Og du kan ha ein liten regel for deg sjølv at det ikkje skal sjå ut som at du har "hengt deg opp på ein kleshengar ".

Og ei ting til. Du kan faktisk klare å stivne i både armar og bein på same tid. Det kan eg love dåkke IKKJE er behageleg.

Trym seier sjeldan noko til teknikken min, så eg satsar på han ikkje skjemmes av meg når vi spring langs vegane;)

Dette var berre ein smakebit. Skal gje dåkke nokre konkrete tips til å kaste "løpestiluvanane "langt avgårde neste gong.:)