Løpetips for deg som vil komme i gang

I mange mange år har løping vore "ei lett sak" då eg har gjort dette sidan eg var lita jente. Eg har difor ikkje opplevd å puste så veldig tungt på ein rolig langtur, eller få gangsperre som varer i fleire dagar. Inntil no. Med eit så langt avbrekk og med ein tyngre kropp kjenner eg at musklane ikkje er som dei var, og pustemaskina fungerer fleire hakk dårlegare. Joda, det er lettare å finne godfølelsen att når ein har løpt heile livet, men på noverande tidspunkt kan eg sette meg inni korleis det er å begynne på scratch og bli sliten etter berre ein time med løping og gange. 



Kanskje er det bra at eg får kjenne på dette, når eg i april skal halde løpekurs. Ikkje det at deltakarane skal pushast i kondisjon, men dei vil truleg kjenne litt i leggane og ellers i kroppen viss det er lenge sidan sist løpetrening. Og eg kan forsikre dokke om at eg veit korleis det kjennes. Her lever iallfall gangsperra på høgt nivå:)

Februar på Lillehammer betyr snø og vinter, men slik er det ikkje i alle delar av landet vårt. Mulegheitane for å begynne løpinga så smått no ligg difor til rette, også om det skulle ligge snø på bakken. Men korleis skal ein starte? Hardt og brutalt eller rolig og forsiktig? Eg anbefalar absolutt det siste. Gassar du på dei to første vekene vil du truleg få vondt, du risikerer å bli skada og deretter misse motivasjonen. Inga god løysing.

Start difor forsiktig. Har du ikkje løpt noko på all verdas tid ville eg bytta på å gå raskt i motbakkane og jogge på flatene i ein times tid, gjerne tre gangar i veka i 2 veker. Deretter, viss du kjenner deg klar og ikkje har vondt nokon stad kan du begynne å løpe heile økter på den 3 veka. Det kan for eksempel være 40 minutt rolig langtur, 20 minutt rolig oppvarming, løpe 1 minutt litt raskare, så 1 minutt heilt rolig osv. Dette for å gje muskulaturen variasjon og ny stimuli. Den tredje økta kan være 30 minutt rolig løping og 30 minutt styrketrening.

Har du ei aning om at løpeteknikken er så som så, kan det være smart å oppsøke enten internett for å sjå filmklipp av løpeteknikk, eller delta på løpekurs. Sjølv om vi alle har vår eigen teknikk viser det seg gang på gang at "uerfarne"( og meir erfarne) løparar har ein del å hente på armbruk, løpesteg, kroppsholdning osv. Dette for å unngå feilbelastning og gjere løpesteget meir effektivt. Sjølv eg som har løpt i alle dei år, vore friidrettstrenar og halde fleire løpekurs må eg skjerpe meg no når eg ikkje har løpt på lenge. Det er lett å "falle saman" når løpinga har fått litt for lang kviletid.


Mitt siste løp i fjor vår ( gravid og spyferdig..hehe) Foto: Sørdalskarusellen( Maihaugløpet)

dag har Erle og eg vore på vår første styrketreningsøkt på Elixia Lillehammer. Erle sov seg gjennom økta, og slepp gangsperra som garantert kjem i morgon og om to dagar. Det er nemleg altfor lenge sidan sist eg tok i ei vekt, så dette kan bli vondt å vakne opp til. Men ein plass må ein berre begynne.



Springerinneklem
 

Ingen kommentarer

Skriv en ny kommentar

springerinne

springerinne

38, Lillehammer

Hei, eg begynte å blogge då eg fekk behandling for ein 13 år gammal spiseforstyrrelse. Idag er frisk, og er sjeleglad for at eg tok opp kampen. Det har resultert i eit fritt liv kor eg ikkje lenger er fengsla, er blitt mamma til Noah på 2 år, og lille Erle på 10 månadar. Historia mi er blitt til boka Spring for livet. Den kan du kjøpe hos Norli og andre bokbutikkar. Eg jobbar idag for Dagbladet, er redaktør for magasinet SKIsport og markedsansvarlig i Lillehammer Fotballklubb. Har bakgrunn som toppidrettsutøvar i friidrett og kan "treffast" på kriroset@gmail.com.

Kategorier

Arkiv

hits